Guardiola e do në skuadër

Bernardo Silva është pranë largimit nga Manchester City në verë si lojtar i lirë, edhe pse Pep Guardiola ka shprehur hapur dëshirën që portugezi të qëndrojë në “Etihad”.

Pas fitores ndaj Newcastle, trajneri katalanas theksoi rëndësinë e Silvës për ekipin dhe u shpreh se klubi do të donte ta mbante atë sa më gjatë në radhët e veta.

Megjithatë, mesfushori portugez duket se e ka marrë tashmë vendimin për të ardhmen.

Opsionet e tij janë një transferim drejt Arabisë Saudite ose një kapitull i fundit në futbollin evropian, me Serie A që shihet si destinacioni më i mundshëm.