Ernest Muçi “i thyen zemrën” tifozëve

Ernest Muçi po përjeton formë fantastike, mbase edhe më të mirën në karrierë, ndonëse është ende 24 vjeç.

Në 18 ndeshje të zhvilluara me Trabzonspor në të gjitha kompeticionet, sulmuesi i Kombëtares numëron 9 gola dhe 3 asiste.

Rasti më i freskët ishte në Kupë karshi Istanbulspor, dopietë dhe asist. Kartoni i Muçit i përket Besiktas, ndërsa tifozët bardhezinj nga Stambolli janë “dashuruar” me aftësitë e shqiptarit.

Raportimi i fundit nga “kontra 61”, tregon dëshirën e ish-sulmuesit të Tiranës, ai nuk do të kthehet më te Besiktas dhe ka bindjen se Trabzonspor do ta blejë përfundimisht.

Tashmë, pritet lëvizja e “gurëve” nga klubi aktual, aty ku përveç dëshirës, nevojiten edhe milionat.