Rosenior merr sinjalet

Chelsea po përshpejton kërkimin për një qendërmbrojtës që mund të nisë ndeshjet kryesore, me shpresën se mund të mbyllin një marrëveshje këtë muaj.

Klubi londinez gjithashtu po kërkon një mesfushor kreativ dhe një sulmues për të përforcuar ekipin.

Burimet nga Anglia tregojnë se Chelsea është i gatshëm të veprojë këtë janar nëse shfaqen mundësi të mira, ndryshe do të presin deri në verë.

Në listën e qendërmbrojtësve të interesuar janë Jeremy Jacquet i Rennes dhe Jacobo Ramon i Como, por nuk është ende e qartë se cili do të jetë opsioni i preferuar dhe nëse mund të arrihet marrëveshja para afatit të 2 shkurtit.

Kërkimi për një qendërmbrojtës u bë prioritet pas dëmtimit të rëndë të Levi Colwill gjatë stërvitjes para-sezonale.

Chelsea planifikon që Colwill, i cili nuk ka luajtur ende asnjë minutë këtë sezon, të mbetet një pjesë kyçe e ekipit dhe rehabilitimi i tij po shkon mirë.

Klubi synon gjithashtu të kompletojë transferimin e një mesfushori kreativ, pas huazimit të Facundo Buonanotte nga Brighton, dhe shpreson të përfundojë marrëveshjen ose këtë muaj ose në verë.

Chelsea po vepron me shpejtësi për të mbushur boshllëqet dhe për të forcuar ekipin për sfidat e radhës.