Media spanjolle: Vedat Muriqi - në prag të barazimit të rekordit të Etoo-s

Sulmuesi i Kombëtares së Kosovës, Vedat Muriqi, i afrohet rekordit të yllit kamerunas, Samuel Eto’o.

Muriqi deri me tash ka shënuar 48 gola në kampionatin spanjoll në fanellën e Mallorca-s, 6 më pak se Eto’o.

“Futbollisti nga Kosova shënoi het-trik për të mposhtur Athletic Bilbaon me rezultat 3:2. 

Athletic ishte e tërbuar me vendimet e arbitrit. 

Muriqi është në prag të barazimit të rekordit të Etoo-s në historinë e Mallorca-s. 

Me het-trik-un e tij kundër Athletic, Muriqi jo vetëm që siguroi tre pikë për ekipin e Mallorca-s, por gjithashtu iu afrua rekordit të golashënuesit kamerunas në ishull”, shkruan mes të tjera media spanjolle “AS”.