Antonio Conte nuk i kursen fjalët

Vetëm një objektiv te Napoli: fitore.

Në prag të ndeshjes së Ligës së Kampionëve kundër Copenhagenit, Antonio Conte nuk i kursen fjalët:

“Duhet ta arrijmë këtë së bashku, çdo rezultat tjetër përveç fitores nuk mund të jetë pozitiv për ne”.

Dhe duke parë tabelën, trajneri i Napolit ka absolutisht të drejtë.

Për të avancuar dhe për të synuar eliminatoret, ata kanë nevojë për tri pikë.

Por për ta bërë këtë, ata duhet të kapërcejnë krizën e dëmtimeve: “Për fat të keq, disa sezone fillojnë keq, është e qartë se tani për tani po vuajmë”.

Por Conte, të paktën për momentin, nuk dëshiron të dëgjojë për tregun e transferimeve: “Nuk ka kuptim të shikosh drejt së nesërmes nëse nuk mendon për të tashmen. Do të gjejmë zgjidhjen e duhur për t’u përballur me mungesat e shumta për shkak të dëmtimeve. Lojtarët që kam në dispozicion janë gjithmonë më të rëndësishmit për mua”.
“Kur të mungojnë kaq shumë lojtarë dhe të njëjtët lojtarë luajnë gjithmonë, është e natyrshme të mbingarkohesh”, vazhdoi Conte.

“Po përpiqemi të qëndrojmë të fortë dhe ta bëjmë mirë. I përgëzoj djemtë, por është e qartë se po vuajmë. Disa dëmtime, si ato të Neres dhe Meret, janë të pashpjegueshme.

E dimë që po përballemi me një ekip të shkëlqyer, shumë të përgatitur fizikisht dhe taktikisht, dhe do të jetë një stadium shumë i ngrohtë.

Tifozët tanë po vijnë dhe ne jemi të lumtur. Ata do të na japin një dorë të madhe në arritjen e diçkaje të veçantë”.