Borusia Dortmund zhgënjeu
- Bota Sot
Borusia Dortmund zhgënjeu në çdo aspekt në humbjen 0-2 ndaj Totenhemit. Drejtori sportiv i BVB-së, Sebastian Kehl, e sheh këtë disfatë si një kambanë alarmi dhe kërkon që skuadra të “rifokusohet”. Pika ishte e rëndësishme për Niko Kovaç.
“E dini se në çfarë pozicioni kam luajtur unë,” theksoi trajneri i Dortmundit.
Gjatë karrierës së tij si lojtar te klube, kroati ishte një mesfushor shkatërrues, një lojtar që nuk dorëzohej kurrë për topin dhe nuk kursente as veten, as kundërshtarët.
Dhe ai e mori personalisht mënyrën se si skuadra e tij ishte dukur kaq e pambrojtur në Londër.
“Sidomos kur luan në Ligën e Kampionëve, duhet të kalosh nga lufta te loja.
Dhe ne nuk e bëmë këtë,” analizoi Kovaç.
“Nëse mendon se mund të luash kështu në Ligën e Kampionëve, kundër një kundërshtari potencialisht të dobësuar, pa fizikalitet, pa agresivitet, atëherë do të jetë e vështirë. Nuk hymë mjaftueshëm në duele, fituam shumë pak përballje direkte dhe na mungoi intensiteti,” renditi drejtori sportiv duke përfunduar me zhgënjim:
“Pjesa e parë ishte e dobët.”
Për Kehl, kjo ndeshje duhet të shërbej si një thirrje zgjimi.
“Duhet ta kuptojmë se duhet të performojmë më mirë, se duhet të luajmë sërish futboll më intensiv dhe të mos e shpërdorojmë atë që kemi ndërtuar me aq shumë mund,” theksoi ai. Kërkesa e tij është e qartë:
“Duhet të mprehim fokusin.
Kjo është një situatë ku duhet të jemi shumë kritikë, në mënyrë që të mos pyesim veten pas disa javësh pse i hodhëm gjithçka poshtë në këtë moment.”
Dortmundi ka faj vetëm veten për rikthimin e debateve të vjetra. “Mentaliteti”, një fjalë kyçe e përdorur prej kohësh nga Verdhezinjtë për të shpjeguar vështirësitë e tyre disa vite më parë, u përmend edhe nga vetë Kovaç, ndërsa Kehl u përball me pyetje për mungesë lidershipi.
“Në thelb, në fushë ka mjaft lojtarë me shumë përvojë,” nisi ish-kapiteni, duke i renditur: “Gregor Kobel, Valdemar Anton, Niko Shloterbek, Serou Guirasi, vetëm për të përmendur disa.” Asnjëri prej lojtarëve të lartpërmendur nuk arriti ta shfrytëzonte mungesën e dukshme të rezistencës së Spërsave në pjesën e parë.
