Ultimatum i Juventusit, orë vendimtare për transferimin e sulmuesit që pëlqen edhe Konte te Napoli

Jusef En-Nesiri është në mes të Juventusit dhe Fenerbahçes. “Zonja” ka dërguar një ultimatum në Turqi ku ofron 5 milionë euro për huazimin deri në fund të sezonit.

Në fakt bëhet fjalë për pagën 4 milionë euro që përfshihet. Kështu huazimi do t’i sillte Fenerbahçes 1 milion euro.

Opsioni i blerjes në fundin e sezonit do të aktivizohej për 19 milionë euro. Megjithatë, nuk do të ishte i detyrueshëm.

Napoli po ashtu ka shprehur interes për marokenin në fjalë. Tashmë mbetet në dorën e Fenerbahçes për t’ju përgjigjur Juventusit.