Shtyhej me Kosovën, selektori rumun në spital! Temperatura i arrin në 39 gradë

Janë orë shqetësimi të madh në Rumani për gjendjen shëndetësore të Mircea Lucescu. 

Sipas mediave, trajneri i kombëtares është i shtruar në spital në Bukuresht dhe ndodhet nën mbikëqyrje të rreptë mjekësore.

Problemet e teknikut 80-vjeçar nisën pas një gripi të fortë gjatë periudhës së Krishtlindjeve, i cili pati pasoja në planin kardiak.

Situata u bë më delikate për shkak të problemeve të mëparshme me zemrën dhe moshës së avancuar.

Fillimisht iu nënshtrua një terapie intensive, por pa reagimin e pritur, çka solli përkeqësimin e gjendjes dhe shtrimin në spital.

Vështirësitë fizike i kanë prishur planet e punës për sfidat vendimtare.

Pas dy muajsh, Rumania do të përballet me Turqinë në gjysmëfinalen e “play off”-it për kualifikimin në Botërorin 2026. Lucescu u detyrua të heqë dorë nga ndjekja e grumbullimeve dhe ndeshjeve, duke deleguar bashkëpunëtorët.

Vetë Lucescu u mundua ta qetësonte publikun: “Temperatura arriti në 39 gradë. Jam në spital nën mbikëqyrjen e mjekëve.

Shpresoj të rikuperohem sa më shpejt. Më kanë thënë se të hënën duhet të dal nga spitali”.

Duhet theksuar se selektori i Rumanisë, Mircea Lucescu, e kishte ngacmuar selektorin e Kosovës, Franco Foda pas shortit të play-off-it për Kampionatin Botëror. 

"A do të luash deri në fund apo do të largoheni përsëri nga fusha?”.

“Il Luce" zbuloi se Foda i tha atij se do të donte që Rumania dhe Kosova të takoheshin në finalen e Kupës së Botës, dhe përgjigja e trajnerit tonë nuk vonoi shumë”, shkruan media rumune “Digisport”.

“Foda më uroi fat dhe më tha se do të donte që ne të kualifikoheshim dhe të luanim në finale me të, me Kosovën.
Unë i thashë: ‘Shpresoj që kësaj radhe ju do të luani deri në fund!

A po planifikoni që të largoheni nga fusha sërish?

Ai nuk më tha asgjë”, tha Lucescu sipas “golazo.ro”.