“Më mirë të qaj në një Rolls-Royce”: Gruaja që urdhëroi vrasjen e trashëgimtarit të Gucci-t sepse nuk donte ta ndante pasurinë

Kur shihni logon e famshme "GG" në çanta apo rripa, mendoni për luks, klas dhe elegancë. Por pas asaj logoje fshihet një nga krimet më të bujshme në histori: vrasja e trashëgimtarit të fundit të familjes, Maurizio Gucci.

Kjo nuk është thjesht një histori ndarjeje. Është historia e një gruaje që e donte aq shumë jetën luksoze, saqë vendosi të vriste babanë e fëmijëve të saj vetëm që të mos humbiste titullin "Zonja Gucci".

"E Veja e Zezë" dhe picajoli

Patrizia Reggiani nuk ishte thjesht një grua e pasur; ajo ishte e obsesionuar pas parasë. Ajo njihet në të gjithë botën për frazën e saj ikonike dhe të frikshme: “Më mirë të qaj në një Rolls-Royce, sesa të jem e lumtur duke i dhënë biçikletës.”

Kur Maurizio, nipi i themeluesit të Gucci-t, kërkoi divorcin për tu martuar me një grua më të re, Paola Franchi, bota e Patrizias u shemb. Ajo nuk e duronte dot faktin që një grua tjetër do të merrte vendin e saj dhe, më e rëndësishmja, pasurinë e saj.

Zgjidhja e saj? Ajo pagoi një pronar picerie të zhytur në borxhe për të bërë punën e pistë.

Mëngjesi i përgjakshëm në Milano

Më 27 mars 1995, Maurizio Gucci po ngjiste shkallët e zyrës së tij në Milano, si çdo mëngjes tjetër. Papritur, një burrë u shfaq dhe qëlloi katër herë. Tre plumba e goditën në shpinë dhe një i fundit në kokë, duke e lënë të vdekur në vend trashëgimtarin e perandorisë së modës. Ai ishte 46 vjeç.

Për dy vjet, policia hetoi kudo, por nuk gjeti asnjë provë. Patrizia, tanimë "e veja e pikëlluar", u vendos në apartamentin luksoz të Maurizios, duke dëbuar të dashurën e tij vetëm pak orë pas vrasjes.

Tradhtia dhe arrestimi

Krimi perfekt u zbulua nga një gabim amator. Portieri i hotelit ku qëndronte vrasësi u mburr për krimin te dikush tjetër. Policia përgjoi telefonat dhe zbuloi gjithçka. Në ditarin e Patrizias, në datën e vrasjes, u gjet e shkruar vetëm një fjalë me shkronja të mëdha: "PARADEISOS" (Parajsë). Për të, vdekja e burrit ishte fillimi i parajsës.

Ajo u dënua me 26 vjet burg. Kur doli nga burgu në vitin 2016 dhe një gazetar e pyeti pse nuk e qëlloi vetë Maurizion, ajo u përgjigj me cinizëm: "Shikimi im nuk është shumë i mirë dhe nuk doja të rrezikoja të mos e qëlloja në shenjë."

Sot, ajo jeton në Milano, ende e rrethuar nga luks, dhe ende e quan veten "Zonja Gucci".

PROFILI

Viktimat: Maurizio Gucci (Trashëgimtar i Gucci)

Urdhëruesja: Patrizia Reggiani (Ish-gruaja)

Motivi: Xhelozia dhe frika se do humbiste pasurinë

Vrasësi: Një pronar picerie i paguar rreth 300,000 euro

Thënia e famshme: "Më mirë të qaj në Rolls-Royce..."

Dënimi: 26 vjet burg (u lirua në 2016)