Kategoria e Parë do të ketë një shtrirje nga e premtja në të dielë

Kategoria e Parë do të ketë një shtrirje nga e premtja në të dielë në këtë javë të 20-të.

Ishte planifikuar për t’u luajtur të shtunën në ora 16:30 sfida Skënderbeu-Kastrioti, por për arsye të motit të vështirë këtë fundjavë në juglindje, teksa paralajmërohen reshje dëbore, është vendosur që takimi të luhet të premten në ora 13:30.

Ndërkohë të shtunën, në të njëjtën orë 13:30, do të luhen Laçi-Luftëtari, Kukësi-Besa, Pogradeci-Korabi dhe Iliria-Apolonia, kjo e fundit mbetet për të përcaktuar fushën se ku do të luhet.

Java do të mbyllet të dielën në ora 13:30 me Lushnja-Burreli 

Një Kategori e Parë me mjaft rivalitet, ndërsa kampionati kryesohet nga Skënderbeu.