Testi më brutal në futbollin evropian që po e shndërron Midtjylland në fuqi evropiane

Testimi maksimal i lojtarëve të tyre gjatë udhëtimeve të mbijetesës në kushtet e Arktikut është bërë një element kyç për konkurrentët e Europa League FC Midtjylland në përgatitjet e tyre për rifillimin e sezonit vendas. Flashscore foli me ish-ushtarin e elitës B.S.Christiansen, i cili është përgjegjës për organizimin e këtyre sprovave, dhe përse këto udhëtime janë bërë kaq të rëndësishme për klubin.

Të enjten në mbrëmje, FC Midtjylland do të përballet me Dinamo Zagreb në Europa League, me mundësinë për tu kualifikuar në 1/8 e finales së turneut pas një sezoni të shkëlqyer që deri më tani i ka dhënë një vend të 4-t mbresëlënës në fazën e ligës. Por lojtarët nuk do të kenë kohë të pushojnë pas këtyre ndeshjeve.

Rreth tetë orë pas ndeshjes kundër kroatëve, skuadra do të hyp në një fluturim që do të shkojë në veriun ekstrem të Maleve Skoceze, ku do tu kërkohet të mbijetojnë për gati tre ditë në ambientin e ngrirë me temperatura shpesh -20 gradë Celsius.

Në Skoci, lojtarëve dhe trajnerëve/stafit do tu kërkohet të mbijetojnë në kushte të vështira, të jetojnë me shumë pak pajisje dhe pa telefona celularë. Lojtarët duhet të bwjnë kampin, të mësojnë si të ndezin zjarr, të peshkojnë, të qëllojnë dre dhe ti heqin lëkurën, përveç kalimit të liqeneve dhe lumenjve gjatë një udhëtimi, i cili do të testojë aftësitë e tyre për të punuar së bashku në maksimum. Sipas Christiansen, udhëtimi synon ti bëjë lojtarët të zbulojnë se kush janë në të vërtetë.

Tani mbetet për t’u parë nëse të gjitha këto vështirësi në fushë do të bëjnë përsëri diferencën për klubin e Jutlandit, ndërsa ata përgatiten për rifillimin e sezonit danez.