Bellingham shqetëson Realin dhe Anglinë

Jude Bellingham ka pësuar një dëmtim të rëndë të kofshës, vetëm katër muaj para Kupës së Botës. Mesfushori i Real Madrid u detyrua të largohej nga fusha në minutën e 10-të të ndeshjes ndaj Rayo Vallecano, pas një ndalimi të papritur gjatë ndjekjes së një topi.

Dëmtimi i tij ka shqetësuar kombëtaren e Anglisë dhe trajnerin Thomas Tuchel, pasi Bellingham është një nga lojtaret kryesore të skuadrës.

Bellingham do të kalojë disa ditë për skaner për të parë shkallën e dëmtimit. Ai la fushën me ndihmën e stafit mjekësor, por mundi të ecë vetë, megjithatë, sipas Marca, dëmtimi duket të jetë "i rëndë".

Anglia ka gjithashtu shqetësime për mungesën e ritmit të lojës për mesfushorin, vetëm disa muaj para fillimit të Kupës së Botës. Bellingham kishte kaluar një periudhë të vështirë pas një operacioni për shpatullën, por kishte rikthyer formën e tij që nga shtatori.