Kundërshtari i Shkëndijës mund të transferojë një ish - mega-yll të Premier Leagues

Më 19 dhe 26 shkurt, Shkëndija do të përballet me skuadrën turke Samsunspor në kuadër të fazës me eliminim direkt të Conference League në futboll.

Ndeshja e parë do të zhvillohet në Shkup, ndërsa ajo e kthimit në Turqi.

Në prag të kësaj përballjeje të rëndësishme, nga Turqia dhe Anglia po vijnë informacione se Samsunspor mund të bëjë një përforcim të madh, duke synuar transferimin e Raheem Sterling, ish-mega-yllit të Premier League.
Sipas disa mediave,

Samsunspor ka shfaqur interes serioz për Sterlingun, ndërsa disa prej tyre raportojnë se kanë nisur edhe bisedimet me përfaqësuesit e lojtarit.

Sterling ka luajtur për klube gjigante si Liverpool, Manchester City, Chelsea dhe Arsenal, dhe ardhja e tij do të ishte një nga transferimet më të mëdha në historinë e klubit turk.

Lidhur me këtë çështje ka reaguar edhe presidenti i Samsunsporit, Yüksel Yıldırım:

“Kemi kontakt me menaxherin e Sterlingut. Sigurisht që jemi të interesuar që ai të vijë te ne, por për momentin nuk ka ende ofertë zyrtare,” u shpreh Yıldırım. 

Nëse ky transferim realizohet, ai do ta rrisë ndjeshëm nivelin e Samsunsporit dhe do ta bëjë edhe më të vështirë misionin e Shkëndijës në arenën evropiane.