Real Madridi “shënjestrën” dy mbrojtës në Bundesligë

Real Madridi ka nisur kërkimet për përforcime në mbrojtje para merkatos së verës, për shkak të lëndimeve të shpeshta dhe pasigurisë rreth së ardhmes së disa veteranëve.

Sipas mediave spanjolle, dy emrat kryesorë në listën e “Los Blancos” janë Nico Schlotterbeck i Borussia Dortmundit dhe Castello Lukeba i RB Leipzigut.

Sipas mediave spanjolle, Schlotterbeck vlerësohet për përvojën, lidershipin dhe aftësinë në ndërtimin e lojës, ndërsa Lukeba shihet si investim afatgjatë falë shpejtësisë dhe potencialit të madh.

Bundesliga mbetet tregu kryesor ku Real Madridi po kërkon zgjidhje për të rindërtuar repartin defensiv në sezonin e ardhshëm.