Vendimi i futbollistit të Gjermanisë merret në mars

Negociatat mes Borusia Dortmundit dhe Niko Shloterbekut po hyjnë në një fazë vendimtare. Tashmë janë zbuluar detaje të reja.

Sipas “Sport Bild”, një vendim pritet në muajin mars. Rreth pushimit për ndeshjet e kombëtareve (23-31 mars) duhet të bëhet e qartë nëse Shloterbek do ta zgjasë kontratën me BVB, e cila skadon në vitin 2027, apo nëse do të shitet gjatë verës. Është rënë dakord që kjo është koha e duhur për të hyrë në fazën përfundimtare të bisedimeve.

Aktualisht nuk ka një favorit të qartë për Shloterbek. Megjithatë, thuhet se janë shfaqur dy favoritë: Borusia Dortmund dhe Real Madrid. Raporti vijon duke theksuar se Real Madrid po e shqyrton seriozisht transferimin e mbrojtësit gjerman.

Madrilenët synojnë të afrojnë dy mbrojtës qendrorë të rinj këtë verë, njëri prej të cilëve pritet të jetë mëngjërash, si Shloterbek.

Një vendim përfundimtar nëse Real Madrid do ta ndjekë konkretisht lojtarin e BVB do të merret vetëm pasi të jetë e qartë se kush do të jetë trajneri i spanjollëve për sezonin e ardhshëm.

Álvaro Arbeloa, i cili pasoi Xabi Alonson, tashmë po përballet me kritika pak kohë pas marrjes së detyrës. Real Madrid me shumë gjasa do të duhet të paguajë 40 deri në 50 milionë euro si tarifë transferimi gjatë verës.

Nga ana tjetër, Borusia Dortmund po bën gjithçka për ta bindur Shloterbek që të zgjasë kontratën. Thuhet se drejtuesit e klubit kanë rënë dakord tashmë për një klauzolë lirimi për vitin 2027. “Sport Bild” zbulon detaje të tjera.

Nëse Dortmundi kualifikohet në Ligën e Kampionëve, klauzola e largimit do të jetë 60 milionë euro. Nëse nuk arrijnë të kualifikohen, shuma do të jetë “vetëm” 50 milionë euro.

Drejtori sportiv i Borusia Dortmund, Lars Riken, së fundmi ka theksuar publikisht dëshirën që Shloterbek të qëndrojë në klub. “Besoj se kemi një paketë shumë të mirë për t’i ofruar,” deklaroi 49 vjeçari në një intervistë.