Superliga vazhdon me ndeshjet e xhiros së 20-të, derbi rajonal në kryeqytet

Albi Mall Superliga e Kosovës do të vazhdojë sot me ndeshjet e xhiros së 20-të, ku tre janë në program për tu zhvilluar.

Kryendeshja e kësaj jave zhvillohet në kryeqytet mes Prishtinës dhe Llapit, por ky duel luhet me fillim nga ora 18:00.

Gjithsesi para se të shohim derbin rajonal në Fadil Vokrri, na presin dy sfida shumë interesante nga ora 13:00.

Dukagjini dhe Gjilani përballen në Klinë, në një duel ku dy kuadrat kërkojnë maksimumin e pikëve.

Sfidë tejet interesante dhe tejet vendimtare është edhe ajo mes Prishtinës së Re dhe Ferizajt, ku pikët vlejnë shumë për mbijetesën.