Milot Rashica jep asistin vendimtar, Asllani luan 74 minuta

Besiktas ka marrë një fitore shumë të rëndësishme ndaj Basaksehir, në transfertë 2-3, e vlefshme për javën e 22-të të Superligës turke.

Kristian Asllani e nisi titullar këtë takim dhe luajti për 74 minuta.

Futbollisti Milot Rashica e nisi nga stoli dhe u fut si zëvendësues në minutën e 34-të në vend të El Bilal Toure, i cili u largua i dëmtuar nga fusha e lojës.

Pjesa e parë u mbyll në barazim 1-1. Orkun Kokcu i dha golin e avantazhit Besiktas në minutën e 58-të, ndërsa vendasit barazuan shifrat në minutën e 88-të Bertug Yildirim.

Besiktas nuk u dorëzua dhe gjeti golin e fitores në minutën e fundit shtesë, ku pas një topi të marrë nga Rashica, ishte Mustafa Hekimoğlu që e dërgoi atë në rrjetë, duke i dhënë fitoren e madhe ekipit të tij. 

Pas 22 javësh, Besiktas renditet në vendin e pestë me 40 pikë, një pikë larg Goztepe të vendit të katërt dhe 5 pikë alrg Trabzonsporit të vendit të tretë, dy vende që të kualifikojnë në Conference dhe Europa League.