Shkëmbi i pakënaqur me referimin: Gjyqtari na e mori fitoren

Struga Trim Lum pësoi humbjen e tretë të sezonit në Maqedoninë e Veriut, të dytën në pranverë, pas dështimit me Shkendijën.

Sot, Sileksi u largua nga Struga me tre pikë (2:3), falë dy golave të shpejtë në fund të ndeshjes.

Me këto dy humbje, Struga TL  është në vend të tretë dhe shtatë pikë pas Vardarit kryesues.

Trajneri i Strugës, Bledi Shkëmbi, ishte i pakënaqur me referimin dhe i vuri në dukje ata si fajtorët e drejtpërdrejtë për këtë rezultat.

"Ne patëm dy herë epërsinë, shënuam golin e tretë, por ata e anuluan për pozicion jashtë loje pa asnjë arsye!

Pati edhe një penallti të pastër për ne, por ata e anuluan.

Goli i dytë i Sileksit ishte në pozicion jashtë loje dhe VAR nuk ndërhyri për ta parë! Mendoj se pavarësisht problemeve tona, gjyqtari na e mori fitoren.

Unë nuk jam një trajner që merret me gjyqtarë, por shumë gabime po bëhen kundër nesh", tha Shkëmbi.