Zgjidhet formacioni më i mirë i javës së 22-të, Emiljano Çela në stol

Trajnerët e ekipeve kombëtare kanë përzgjedhur formacionin më të mirë të javës së 22-të në Kategorinë e Parë.

Skema e përzgjedhur është 3-4-2-1.

Në portë është zgjedhur Marin Stanic i Pogradecit, i cili u dallua me pritje vendimtare dhe siguri gjatë gjithë ndeshjes. Në mbrojtje janë përzgjedhur Loukas Petropoulos i AF Luftëtarit, Adolf Selmani i Ilirisë dhe Arlind Kurti i Laçit.

Mesfusha përbëhet nga Melsi Cereni i AF Luftëtarit, Stiven Bibo i Laçit, Paolo Kasmollari i Pogradecit dhe Wilson Junior i Kukësit.

Në repartin ofensiv janë përzgjedhur Saleh Nasr i Skënderbeut dhe Matheus Alisson i Kukësit, ndërsa në majën e sulmit është vendosur Danell Jayson Mavanga i Ilirisë. Trajneri më i mirë i javës është përzgjedhur tekniku i Pogradecit, Emiljano Çela.