Celje me Karniçnikun nesër në Prishtinë? Shiten 2000 bileta për ndeshjen e kthimit

Celje ka para sfidën e radhës evropiane në futboll. 

Në Prishtinë do të zhvillojë ndeshjen e parë të play-off-it për 1/8 e finales së Conference League kundër Dritës. 

“Skuadra udhëtoi drejt kryeqytetit të Kosovës të mërkurën pasdite, ndërsa në mbrëmje do të njihet me kushtet në stadiumin ‘Fadil Vokrri’ gjatë stërvitjes zyrtare.

Takimi i së enjtes nis në orën 21:00”, shkruan media sllovene “Ekipa”.

“Trajneri Ivan Majevski mund të ketë në dispozicion edhe Zhan Karniçnikun.

Përfaqësuesi slloven është jashtë fushave që nga fillimi i dhjetorit për shkak të një këputjeje të ligamentit.

Ai iu nënshtrua edhe operacionit dhe, ndonëse rikuperimi po shkon mirë, futbollisti me përvojë ende nuk është gati për ngarkesa maksimale.

Nuk do të jetë i gatshëm as për ndeshjen e kthimit ndaj Dritës, por mund ta ndihmojë ekipin në rast kualifikimi në 1/8 e finales, ku kundërshtari do të jetë fituesi i çiftit mes AEK Athens F.C. dhe AC Sparta Praga.

Në skuadër mungon edhe Marko Zabukovnik, i cili pritet të rikthehet në fund të prillit pas operacionit në gju. Aktualisht duket se ai do të mund të luajë këtë sezon, por as lojtari dhe as klubi nuk do të rrezikojnë pa nevojë.
Krahasuar me listën evropiane të vjeshtës, janë regjistruar tre emra të rinj: Svit Seshlar, Armandas Kuçys dhe Ivan Çalushiç, i cili mori përparësi ndaj një tjetër përforcimi dimëror, Jakov Pranjiç.

Ndeshja e kthimit në stadiumin Zdezhele do të zhvillohet të enjten e ardhshme (26 shkurt), ndërsa deri në fillim të kësaj jave janë shitur më shumë se 2.000 bileta”, shkruan media sllovene.