Baumann: Ëndërr të jesh numri 1 i Gjermanisë

Portieri i Gjermanisë, Oliver Baumann, ka folur për debatet rreth rolit të tij si numri 1 i ekipit kombëtar në prag të Kupës së Botës këtë verë.

Në një intervistë për ‘Die Zeit’, ai theksoi se nuk dëshiron të mendojë shumë përpara dhe preferon të jetë me këmbë në tokë:

“Nuk mendoj se është e dobishme që ky debat të ushqehet vazhdimisht nga jashtë. Luajtja në Kupën e Botës do të ishte gjëja më e bukur për mua, realizimi i një ëndrre, por nuk ka nevojë të them se jam titullar derisa trajneri Nagelsmann ta vendosë”.

Megjithëse Baumann debutoi me kombëtaren vetëm në vitin 2024, portieri i Hoffenheim-it shfrytëzoi mungesat për shkak të lëndimeve të Marc-André ter Stegen për të marrë besimin dhe për të arritur dhjetë paraqitje me Gjermaninë. Megjithatë, me rikthimin e Ter Stegen, tashmë te Girona, situata mund të ndryshojë.

“Besoj se ajo që ka rëndësi është fusha, jo deklaratat e mia – përfundon Baumann – Por shpresoj sinqerisht të jem në Amerikën e Veriut këtë verë”.