Lautaro Martinez do të luajë në finalen kundër Spanjës?

Tema e ditës te Interi është padyshim gjendja e Lautaro Martinez, i cili mungoi në seancën stërvitore të sotme pasi pësoi një tërheqje muskulore në Norvegji, gjë që do ta mbajë jashtë fushave për disa javë.

Sulmuesi i zikaltërve do të rivlerësohet nga stafi mjekësor i klubit javën e ardhshme, por ideja është që të vazhdohet me kujdes dhe të mos nxitohen gjërat si vitin e kaluar, kur Lautaro u rikuperua në kohë rekord dhe luajti për Barcelonën në Ligën e Kampioneve.

Pritet që argjentinasi të mungojë rreth një muaj, një periudhë kohore që do të thotë gjithashtu se ai do të humbasë derbin kundër Milanit.

Në Argjentinë, siç raportohet nga TycSports , janë mjaft të sigurt se Lautaro Martinez do t’i përgjigjet thirrjes së Albiceleste për finalen kundër Spanjës, një ndeshje që do të shohë kampionët e Europës dhe Amerikës së Jugut të përballen, Spanjën, fituesen e UEFA EURO 2024, dhe Argjentinën, fituesen e Copa América 2024. Ndeshja do të zhvillohet më 27 mars, më shumë se një muaj për t’u rikuperuar.