PSG nuk i jep atë që do

Ousmane Dembele mund të jetë një nga protagonistët kryesor të merkatos së verës së ardhshme.

Fituesi i “Topit të Artë” 2025 ka pasur mosmarrëveshje së fundmi me drejtuesit e PSG-së, për rrogën.

Kërkesa për rritje rroge e sulmuesit nuk është marrë parasysh nga drejtuesit e klubit parizien, dhe tashmë marrëdhënia mes tyre është ftohur. Ndërkohë, burime të ndryshme nga Franca dhe jo vetëm, bëjnë me dije se destinacioni i ri Dembele mund të jetë Premier League.

Chelsea është klubi më i interesuar për sulmuesin francez dhe është gati të bëjë çmendurinë për të verën e ardhshme. Dembele është nën kontratë me PSG-dë deri në vitin 2028, ndaj largimi nga kampionët e Europës nuk do të jetë aspak i lehtë.

Vlera në treg e Dembele llogaritet te 100 milionë euro, pak a shuma shifra që kërkon PSG për kartonin e tij.