Hajduku mezi mund Rijekën, Raçi titullar e Pajaziti zëvendësues

Hajduku i Splitit mezi e ka mposhtur me rezultat 1:0 Rijekën në kryendeshjen e kampionatit kroat.

Futbollistët nga Kosova, Ron Raçi e Adrion Pajaziti, u paraqitën për Hajdukun.

Raçi titullar e Pajaziti nga minuta e 62-të.

Fakt interesant është se skuadra e Rijekës mbetet pa një lojtar nga minuta e 45-të, Petroviq u përjashtua me karton të kuq.

Në minutën e 79-të Marko Livaja ia siguroi fitoren Hajdukut.

Pas një minute edhe Hajduku ngelet pa një lojtar, Sigur u përjashtua me karton të kuq.

Pas javës së 23-të në elitën e futbollit kroat, Dinamo prin me 51 pikë, i ndjekur nga Hajduku me 46 dhe Rijeka renditet në pozitën e tretë me 32 sosh.