Sterling rifillon futbollin te klubi i ri, trajner e ka ish kundërshtarin e Premier Ligës

Raheem Sterling është rikthyer në fushë pas 254 ditësh mungesë, duke bërë debutimin e tij me Feyenoord në fitoren 2-1 ndaj SC Telstar.

31-vjeçari anglez, i transferuar pas largimit nga Chelsea FC, u aktivizua për 30 minuta dhe u prit me ovacione nga tifozët. “Ndihet mirë,” deklaroi Sterling, duke theksuar se po rikthen gradualisht formën fizike dhe se fitorja ishte gjëja më e rëndësishme për objektivat e skuadrës në kampionat.

Nën drejtimin e trajnerit Robin van Persie, Feyenoord po konsolidon pozitat në garën për Ligën e Kampionëve.

Interesant është fakti se Van Persie dhe Sterling janë përballur dikur si kundërshtarë në Premier League, kur holandezi luante me Manchester United, ndërsa Sterling ishte pjesë e Liverpool. Tani, rolet kanë ndryshuar Van Persie është në bankinë si trajner, ndërsa Sterling synon të rifitojë formën më të mirë dhe, ndoshta, një vend në listën e Kampionatit Evropian të ardhshëm.