Juventusi po përgatitet

Pas Kenan Yildiz, Juventusi po përgatitet të sigurojë Weston McKennien.

Mesfushori amerikan, kontrata e të cilit skadon më 30 qershor, ka arritur një marrëveshje me Bianconerët për të zgjatur marrëveshjen e tij për katër sezone të tjera, deri në vitin 2030, transmeton Klankosova.tv.

Nënshkrimi pritet javën tjetër pas udhëtimit të së dielës në Romë për ndeshjen kampionale.

Një nga ekipet italiane (së bashku me Interin dhe Milanin) kishte tentuar të nënshkruante lojtarin, dhe atë transferim të lirë.

I lindur në vitin 1998, McKennie mbërriti te Juventusi për 26.5 milionë euro nga skuadra gjermane Schalke në afatin kalimtar të verës 2020. Që atëherë, ai ka bërë 218 paraqitje për Juventusin, duke shënuar 25 gola, 26 asiste dhe duke marrë 23 kartonë të verdhë (36 paraqitje me 7 gola, 7 asiste dhe 5 kartonë të verdhë këtë sezon).

Në vitin 2023, ai luajti si huazim te klubi anglez Leeds. Paga e tij pritet të rritet nga 2.5 milionë euro neto në vit që është aktualisht në mbi 4 milionë euro neto në sezon, duke përfshirë edhe bonuset.