Granit Xhaka pranë rikthimit titullar te Sunderland

Kapiteni i Sunderland AFC, Granit Xhaka, mund të startojë në ndeshjen ndaj AFC Bournemouth këtë të shtunë, pas rikthimit nga dëmtimi në kyç që e mbajti jashtë për pothuajse një muaj.

Trajneri Régis Le Bris tha: “Ai mund të startojë sepse është në gjendje të mirë dhe reagoi shumë mirë pas ndeshjes së fundit.

Rikthimi i tij është kyç për ritmin dhe organizimin e ekipit.”

Xhaka është i rëndësishëm jo vetëm për kontrollin me topin, por edhe për t’i lejuar Noah Sadiki të luajë më lart dhe të shfrytëzojë energjinë e tij. Le Bris theksoi se ndikimi i tij është vendimtar për Sunderland, veçanërisht në sezonin e parë në Premier League.