Shqiptari përzgjidhet si një nga lojtarët më të mirë në Turqi

Vlerësimet vazhdojnë njëri pas tjetrit. Ernest Muçi është një realitet në futbollin turk, njëri nga futbollitët më të mirë, dhe kjo u theksua edhe pas javës së 24-ët.

Edhe pse nuk shënoi asnjë gol, edhe pse nuk dha direkt asnjë asist, sërish ylli kuqezi u dallua fort në të treja rrjetat e Trabzonsporit në ndeshjen e fundit të Superligës turke ndaj rivalit Karagymryk.

Kjo bëri që faqja e specializuar e vlerësimeve dhe statistikave të futbollit, “sofaskor”, ta përfshinte në formacionin e javës.

Muçi mori notën mjaft të mirë 7.6, dhe në këtë ekip të javës ishte bashkë me shokët e skuadrës, Tufan dhe Onuaçu.

Ai krijoi hapësirë me pasimin e zgjuar në rastin e golit të parë.

Pas pushimit, në rezultatin 1-1, futbollisti I kombëtares ekzekutoi me saktësi dy goditje nga këndi, dhe nga harkimet e tij erdhën dy golat e tjerë.

Suksesi bëri që Trabzonspor të mbajë vendin e tretë në kampionat, me shpresë për Ligën e Europës e padyshim edhe për në Champions.

Vetë Muçi ka një sezon të shkëlqyer, sidomos që nga 24 nëntori, duke qenë thuajse I pandalshëm në 3 muajt e fundit.

Ai ka shënuar 13 gola e ka dhënë 6 asistë gjithsej, ndërsa në Superligën turke ka 10 gola e 4 asistë, që të gjithë në 12 sfidat e fundit.