Carrick thotë se United synon rikthimin në Champions League

Trajneri i Manchester United, Michael Carrick, ka deklaruar se skuadra e tij "është e uritur për më shumë".

Që nga emërimi i Carrick në janar, United është ngjitur në vendin e tretë pas fitores 2-1 ndaj Crystal Palace, duke regjistruar gjashtë fitore në shtatë ndeshje.

“Duhet të qëndrojmë me këmbë në tokë, por jemi të uritur për më shumë. Fitoret janë të vështira për t’u arritur dhe duhet ta ruajmë këtë vazhdimësi”, ka thënë ai.

Manchester United synon rikthimin në Champions League për herë të parë që nga sezoni 2023/24, ndërsa aktualisht ka gjashtë pikë më shumë se vendi i gjashtë, që mbahet nga Chelsea.