“Wirtzi i ri”, Juventus dhe Milan në garë për super talentin

Vetëm 18 vjeç dhe tashmë një nga emrat më të përfolur në merkato. Kerim Alajbegoviq po shkëlqen këtë sezon me Red Bull Salzburg, duke u shndërruar nga një premtim i thjeshtë në një nga talentet më të kërkuar në futbollin europian.

Mesfushori ofensiv, i lindur në Gjermani në vitin 2007, u transferua te klubi austriak nga Bayer Leverkusen për një shumë që sot konsiderohet një marrëveshje shumë e leverdishme.

Ambidextr dhe i aftë të luajë si organizator ofensiv në krahun e majtë, ai kombinon vizion loje dhe aftësi në driblim, duke kujtuar për nga ndikimi i hershëm edhe Kenan Yıldız.

Alajbegovic ka hyrë tashmë në histori si golashënuesi më i ri i përfaqësueses së Bosnies.

Me 11 gola këtë sezon dhe një vlerë tregu që llogaritet mes 15 dhe 20 milionë eurove, ai ka tërhequr interesin e Juventus dhe Milan, ndërsa në garë është edhe Bayern Munich. Ndërkohë, Leverkusen mund të aktivizojë një klauzolë rikthimi për të mos humbur talentin që shumëkush e sheh si “Wirtz-in e ri”.