Bobçek ka disa fjalë për Kosovën

Sulmuesi i kombëtares sllovake, Tomash Bobçek, e sheh vazhdimin e kontratës me Lechia Gdańsk deri në vitin 2030 si një vlerësim për punën e tij të deritanishme, si shenjë besimi dhe një gjest të bukur nga klubi polak.

Me 14 gola të shënuar, golashënuesi më i mirë i sezonit aktual në Ekstraklasa ka kohë që tërheq vëmendjen e klubeve të huaja.

Mediat polake kanë raportuar për interesim e madh nga FC Midtjylland, por Bobçek ka vendosur të mbetet pjesë e familjes bardhë e gjelbër.

Më pas ai u ndal te kombëtarja sllovake.

Në gjysmëfinalen e “play-off”-it Sllovakia do të përballet me Kosovën (26 mars, 20:45 në Bratisllavë) dhe fituesi më 31 mars do të luajë kundër Turqisë ose Rumanisë.

“Është e vërtetë, rruga drejt Kupës së Botës janë dy ndeshje. Por tani do të fokusohemi ekskluzivisht te e para me Kosovën. Do të jetë e vështirë. Çdo skuadër në play-off e di për çfarë luan.

Sot të gjithë dinë të luajnë futboll, dhe sigurisht edhe Kosova, pasi ka ardhur këtu nga një grup i vështirë.

Megjithatë, besoj se do të përfundojë në favorin tonë,” u shpreh Bobçek.