Llapi me penallti eliminon Malishevën

Llapi është kualifikuar në gjysmëfinale të Kupës së Kosovës.

Malisheva bie në stadiumin “Zahir Pajaziti” në Podujevë.  

Llapi ngadhënjeu me penallti me rezultat 4:2 ndaj Malishevës.

Llapi dhe Malisheva luajtën baras (1:1) në kohën e rregullt të takimit, por as vazhdimet dy herë nga 15 minuta nuk e përcaktuan gjysmëfinalistin pasi u mbyllë baras (2:2).

Në fillim të pjesës së parë, udhëtuesit kaluan në epërsi falë golit të futbollistit Mevlan Zekës në minutën e 6-të.

Në minutën e 50-të, Besar Musolli shënoi për Llapin duke barazuar rezultatin në 1:1.

Në minutën e 109-të Zeka shënoi golin e dytë personal dhe të epërsisë së Malishevës.

Në minutën e 120+6 Fuad Ajvazi shënoi me kokë për rezultatin 2:2.  

Penalltitë: Për Malishevën realizuan Hetemi, Nafiu; dështuan Vitija e Pira dhe për Llapin shënuan Ramadani, Hyseni, Mullalliq, Bytyqi. 

Në gjysmëfinale janë kualifikuar Ballkani, Ferizaj, Dukagjini dhe Llapi.