Kriza e dëmtimeve vazhdon të prekë Real Madridin

Kriza e dëmtimeve vazhdon të prekë Real Madridin.

Në mes të një situate kritike, lojtarët e Arbeloas do të udhëtojnë për në Vigo me nëntë mungesa të konfirmuara dhe Raul Asensio është në dyshim.

Pas konferencës për shtyp, lojtarët e Real Madridit shkuan në fushat 1 dhe 2 në Valdebebas për të përfunduar seancën e tyre të fundit stërvitore.Lajmi pozitiv erdhi nga Eduardo Kamavinga, i cili është rikuperuar nga problemet dentare që e kishin lënë jashtë loje në seancat e fundit stërvitore.

Gjithashtu i rëndësishëm ishte rikthimi i Asensio në grup për të dytën ditë radhazi. Qendërmbrojtësi spanjoll ka treguar tashmë këtë sezon se nuk ka ndërmend të dorëzohet pavarësisht dhimbjes së vazhdueshme në kërci dhe tendosjes së fundit të qafës që pësoi në ndeshjen kundër Benfikës.

Lista e lëndimeve vazhdon të shqetësojë Real Madridin, me lojtarë kyç si Militao, Belingam, Sebajos, Mbape dhe Rodrigo të gjithë jashtë fushave. Tani, Alaba i bashkohet listës, i cili vuan nga një tërheqje muskulore dhe gjithashtu mungon në udhëtimin për në Vigo. Për më tepër, pezullimet e Karreras, Hajsen dhe Mastantuono i zvogëlojnë më tej opsionet në dispozicion të stafit të trajnerëve.

Edhe një herë, akademia e të rinjve të Real Madridit vjen në ndihmë. Ekipi i parë përfundoi seancën e tyre të fundit stërvitore me tetë lojtarë të akademisë, të cilët mund të kenë një shans tjetër. Lamini Fati, Diego Aguado, Sésar Palacios, Manuel Ángel, Sestero, Tiago, Mestre dhe Álvaro. “Alaba nuk do të jetë i disponueshëm, por mendojmë se Asensio do të jetë.

Nëse as Alaba dhe as Asensio nuk do të jenë të disponueshëm, një nga lojtarët e akademisë si Diego Aguado ose Lamini do të luajë, por mendoj se Asensio do të jetë i gati për ndeshjen e sotme.