Skenderbeu nuk e leshon fronin

Sot u luajtën të gjashtë ndeshjet e vlefshme për javën 25 në Kategorinë e Parë.

Fitore korrën Skënderbeu, Pogradeci, Laçi dhe Besa. Këto klube fituan respektivisht ndaj Lushnjës, Korabit, Apolonisë dhe Kastriotit. Me barazim pa gola u mbyllën dy ndeshje, Kukësi-Luftëtari dhe Burreli-Iliria.

U shënuan 15 gola në total. Pogradeci që mposhti 4 me 1 Korabin dhe Besa 3 me 2 ndaj Kastriotit, ishin rezultatet më të thella. Skënderbeu mori fitore të pastër 2 me 0 ndaj Lushnjës, ndërsa Laçi triumfoi me vështirësi, 2-1, përballë Apolonisë.

Pas 25 javësh, Skënderbeu mbetet në krye me 3 pikë më shumë se Laçi dhe 8 më tepër se Pogradeci. “Top 6”, që synon fazën “play off”, plotësohet me Ilirinë, Kastriotit dhe Burrelin.

Besës po ashtu i buzëqeshin 3 pikët e arta, pasi pozicionohet 1 pikë larg zonës “play off”. Më tej është Korabi, duke luftuar t’i largohet “play out” ku ndodhen Apolonia dhe Lushnja.

Luftëtari e shikon tashmë veten me po aq pikë sa Lushnja e vendit të dhjetë. Kukësi me 3 pikë më pak, po ashtu e synon si zonë.

RENDITJA E KATEGORISË SË PARË, JAVA 25

1- Skënderbeu 60 pikë

2- Laçi 57 pikë

3- Pogradeci 52 pikë

4- Iliria 34 pikë

5- Kastrioti 33 pikë

6- Burreli 32 pikë

7- Besa 31 pikë

8- Korabi 28 pikë

9- Apolonia 24 pikë

10- Lushnja 20 pikë