Presidenti i PSG-së, Nasser Al-Khelaifi, bllokohet në Katar për shkak të luftës

Nasser Al-Khelaifi, president i Paris Saint-Germain, mund të mungojë në ndeshjen e Ligës së Kampionëve ndaj Chelsea-t për shkak të tensioneve në Doha, ku kishte shkuar javën e kaluar për t’u takuar me familjen e tij.

Qeveria iraniane ka goditur kryeqytetin e Katarit me raketa dhe dronë në shenjë hakmarrjeje ndaj sulmeve amerikane dhe izraelite, gjë që ka bllokuar hapësirën ajrore dhe ka kufizuar fluturimet.

Al-Khelaifi nuk ishte i pranishëm në stërvitjet e PSG-së në Paris të martën dhe ekziston rreziku që të mos arrijë të kthehet në kohë për ndeshjen e parë të 1/16-ve në ‘Parc des Princes’, të mërkurën. Presidenti i PSG-së zakonisht nuk mungon kurrë në ndeshje dhe po punon intensivisht për të gjetur një zgjidhje që të jetë në tribunë përballë skuadrës së trajnerit Liam Rosenior.

Hapësira ajrore e Katarit ka qenë e mbyllur që nga 28 shkurti, por janë krijuar disa korridore sigurie për disa fluturime të kufizuara.

Shërbimi ajror i Katarit operon vetëm fluturime të vogla për riatdhesime nga Aeroporti Ndërkombëtar Hamad.