Nesër 27 vjet nga beteja e Kabashit
- Gazeta e Prizrenit
Në përkujtim të betejës së Kabashit, dega e OVL të UÇK- së në Prizren, në bashkëpunim me shoqatat e dalura nga lufta nesër më 17 mars 2026, në ora 10:00 do të organizojë homazhe në varrezat e dëshmorëve në Landovicë, shkruan Gazeta e Prizrenit.
“Nesër, më 17.03.2026, përkujtojmë betejën e lavdishme që u zhvillua në Kabash të Prizrenit, ku u zhvillua beteja “Liri a Vdekje”. Si rezultat i shumë betejave që ndodhën në këtë rajon, ne sot jetojmë dhe frymojmë lirshëm.
Prandaj, në nderim të dëshmorëve që ranë në altarin e lirisë, ju njoftojmë se më 17.03.2026:
– Në ora 10:00 do të bëjmë homazhe në Varrezat e Dëshmorëve në Landovicë.
– Në ora 13:00 do të mbahet tubim përkujtimor në fshatin Korishë të Prizrenit, tek lapidari i këtij fshati”.
Në betejën e lavdishme të Kabashit të 17 marsit të vitit 1999 ranë heroikisht në krye të detyrës tre dëshmorët nga Korisha, Halim Ahmetaj, Rexhep Kukaj dhe Murat Kabashi.
