BE në ngërç: Orban dhe Fico nuk tërhiqen nga vetoja për kredinë ndaj Ukrainës

Liderët e Bashkimit Europian nuk arritën të bindin kryeministrin e Hungarisë, Viktor Orban, dhe atë të Sllovakisë, Robert Fico, të heqin dorë nga vetoja për një kredi prej 90 miliardë eurosh për Ukrainën gjatë samitit në Bruksel.

Pavarësisht presionit, Orbán dhe Fico mbajtën qëndrimin e tyre, duke argumentuar se vetoja është legjitime dhe lidhet me vonesat në rikthimin e furnizimeve të gazit nga Rusia përmes gazsjellësit “Druzhba”.

Kjo ka shkaktuar vështirësi ekonomike në vendet e tyre.

25 liderët e tjerë të BE-së miratuan një deklaratë ku riafirmuan mbështetjen e fortë për Ukrainën dhe perspektivën e saj europiane.

Presidenti ukrainas, Volodymyr Zelenskyy, mori pjesë përmes videokonference dhe kërkoi përshpejtim të ndihmës financiare dhe ushtarake për vendin e tij.

Çështja e vetos së Hungarisë dhe Sllovakisë pritet të diskutohet përsëri në samitin e ardhshëm të liderëve europianë.