Napoli vijon momentin pozitiv

Napoli arriti fitoren e katërt radhazi dhe mbajti portën e paprekur pas 11 ndeshjesh.

Skuadra e Antonio Contes vijon të ruajë stabilitet dhe synon të afrohet me ekipet e kreut.

Napoli vijon momentin pozitiv në kampionat duke regjistruar fitoren e katërt radhazi.

Kundër Cagliarit as nuk pësuan gjë që nuk ndodhte prej 11 ndeshjesh, që nga suksesi ndaj Sassuolos.

Skuadra e drejtuar nga Antonio Conte konfirmon kështu stabilitetin e saj, pavarësisht rotacioneve të shumta dhe mungesave të vazhdueshme për shkak dëmtimesh.

Trajneri italian ka ndryshuar shpesh formacionin titullar gjatë sezonit, por Napoli ka ruajtur një identitet të qartë loje.

Në sfidën ndaj Cagliarit, Conte zgjodhi një mesfushë të ndërtuar mbi një “kuadrilater” me Lobotka dhe Gilmour në prapavijë, ndërsa përpara tyre vepronin McTominay dhe De Bruyne, të rikthyer nga dëmtimet.

Kjo skemë i dha skuadrës mundësinë të kontrollonte ritmin dhe të avanconte topin me logjikë pozicionale.

Napoli u mbështet gjithashtu te gjerësia e lojës, me Politano dhe Gutierrez në krahë, si dhe në lëvizjet drejt qendrës të Olivera. Në fazën sulmuese, skuadra kërkoi shpesh vertikalizime drejt Hojlund, i cili kishte detyrën të zëvendësonte rolin e Lukakut në repartin ofensiv.

Goli i shënuar në minutat e para i dha qetësi Napolit për të kontrolluar lojën, edhe pse disa nga lojtarët e mesfushës, si Gilmour, Lobotka dhe McTominay, nuk ishin në nivelin maksimal të saktësisë. Gjithashtu, edhe Hojlund nuk arriti të jetë po aq efektiv sa në ndeshjet e mëparshme.

Megjithatë, Napoli administroi avantazhin pa rrezikuar seriozisht, me Cagliarin që nuk arriti të krijojë raste të rrezikshme për portën e mbrojtur nga Milinkovic-Savic. Rikthimi gradual i lojtarëve të dëmtuar dhe vazhdimësia në rezultate i japin skuadrës shpresa për një fund sezoni konkurrues, ku mund të ngushtojë diferencën me ekipet që ndodhen në krye të renditjes.