Lojtari shqiptar, gazetarëve danez: Nuk do të qaj nëse shënoj gol në “Parken”!

Futbollisti Lirim Qamili luan për Sonderjysken daneze, ai ka lindur në vendin skandinav, por luan për Maqedoninë.

Para ndeshjes, ai ishte interesant për gazetarët danezë, të cilët i bënë pyetje në lidhje me ndeshjen.

“Kjo është një ndeshje e rëndësishme për Danimarkën, por edhe për Maqedoninë.

Jemi të uritur për sukses. Nuk do të qaj nëse i jap Danimarkës një gol në “Parken”.

Maqedonia ka respekt të madh për Danimarkën, nuk ka dyshim se skuadra është e shkëlqyer në të gjitha pozicionet pavarësisht të gjitha problemeve.

Danezët, megjithatë, luajnë në ligat më të mira në botë. Por nuk është se Maqedonia nuk do të luajë me një skuadër që është favorite.

E kemi bërë edhe më parë, nuk është diçka e pazakontë për ne”, tha Qamili.

Ndeshja midis Danimarkës dhe Maqedonisë do të luhet sonte në “Parken” nga ora 20:45.