Media serbe si e çmendur, kështu shkruan për Kosovën para sfidës me Sllovakinë

Serbia vetëm përmes televizorit do të shoh kombëtaren e Kosovës dhe të Shqipërisë në sfidat e mëdha që luajnë sonte (20.45) në Bratisllavë dhe Varshavë.

Serbët janë në shtëpi, të heshtur e të mërzitur dhe sonte do të shohin shqiptarët në garën më të madhe.

Media serbe “Blic” çmendet dhe ka inati del me një titull skandaloz:

“Evropa është çelësi i katër biletave: E ashtuquajtura Kosovë te "armiku",

Shqipëria shpreson për një mrekulli pas Serbisë, dhe Italia shpreson për një fund të makthit”.

“Shqipëria në shpellën polake, Ukraina pret Suedinë në Valencia.

Ukraina e shkatërruar nga lufta duhet të jetë një fituese në një ndeshje më shumë se të rëndësishme, këtë herë në Valencian me diell.

Nga ku do të përpiqen ta thyejnë Suedinë, një përzgjedhje e fortë me emër, por në fushë më shumë se e dëshpëruar nëse gjykohet nga Liga e Kombeve.

Ukrainasit me siguri do të kenë një motiv shtesë për tu sjellë të paktën pak buzëqeshje popullit të tyre në kohë të vështira, por duket se shanset këtu janë 50:50, edhe për shkak të fushës neutrale.

Polonia dhe Shqipëria janë në të njëjtën kornizë, duke u takuar në Varshavë.

Dihet se çfarë atmosfere mund të krijojnë 56,000 polakë, veçanërisht kur luan ekipi kombëtar, dhe kjo është arsyeja pse Robert Lewandowski dhe shokët e tij të ekipit do të kenë erën në shpinë nga tribunat.

Ata do të përballen me Shqipërinë, e cila arriti në play-off nëpërmjet Serbisë dhe tashmë ka bërë një surprizë. Nuk ka qenë kurrë në Kupën e Botës, i mungon përvoja, megjithëse ishte pjesëmarrëse në EURO-n e fundit. Cilësia është sigurisht në anën e Polonisë...”. shkruan media serbe,

Kur vjen fjala te Kosova mediumin serb e kap sikleti nga xhelozia, duke shkarravitur pa fije turpi:

“Ndoshta ndeshja më emocionuese do të jetë në Grupin C, ku Turqia dhe Rumania do të takohen në Stamboll, dhe Sllovakia dhe Kosova në Bratislavë.

Turqit dhe rumunët do ta hapin programin, si të vetmit në orën 18:00, që është thjesht një duel tjetër që është më shumë sesa një ndeshje futbolli.

Duket se ata janë tashmë finalja para finales për njëri-tjetrin, sepse duken më të fortë se Sllovakia.

Ndeshja në Bratislavë pothuajse me siguri mbart tension politik edhe para atij sportiv, kështu që nuk do të ishte çudi nëse fusha bie në plan të dytë.

ë fund të fundit, jemi mësuar me këtë kur miqtë e Serbisë luajnë me një shtet të panjohur, por anëtar të UEFA-s, dhe sllovakët sigurisht që janë.

Le të shohim se kush do të përballet më mirë në atë mjedis”.