Media serbe habitet nga numri i madh i shqiptarëve të Kosovës

Kryeqyteti i Sllovakisë është pushtuar nga djemtë e vashat e Republikës së Kosovës.

Media serbe “Blic” habitet nga numri i madh dhe shkruan me neveri duke sulmuar Kosovën kësisoj:

“Kombëtarja e të ashtuquajturës Kosovë po luan kundër Sllovakisë në gjysmëfinalet e kualifikueseve të Kupës së Botës, dhe një numër i madh tifozësh kanë udhëtuar për në Bratisllavë për atë ndeshje.

Ndeshja fillon në orën 20:45 të mbrëmjes, dhe tifozët e Kosovës filluan të mblidhen në orën 14:00 në qendër të Bratisllavës”.

Lulzim Berisha, udhëheqësi i tifozëve "Dardanet", bëri thirrje për kujdes disa orë para ndeshjes.

Ai tha se ata duhet të mblidhen në rast se "u ndodh diçka".

“Unë besoj se gjithçka do të shkojë mirë, besoj në sigurinë e tifozëve tanë dhe i ftoj të gjithë të vijnë dhe të jemi së bashku në mënyrë që të mos na ndodhë asgjë sepse, siç e dimë,

Sllovakia nuk e njeh Kosovën dhe ne besojmë se shumë njerëz janë infiltruar këtu që mund të përpiqen të destabilizojnë atmosferën”, tha Berisha.