Kosova drejt ëndrrës së madhe

Pengesa e parë e Kosovës në rrugën drejt Kupës së Botës 2026 është Sllovakia.

Dardanët do të luajnë sonte në transfertë ndaj Sllovakisë në Bratislave, ku do të synojnë me çdo kusht të shkojnë në finale, aty ku do të përballen me fituesin e çiftit Turqi-Rumani.

Dardanët vijnë me dy mungesa të rëndësishme në këtë takim, ku nuk do të jenë të pranishëm dy titullarët e mbrojtjes: kapiteni Amir Rrahmin dhe mbrojtësi tjetër Leon Avdullahu.

Trajneri Franco Foda ka hedhur në fushë formacionin më të mirë të mundshëm:

Kosova: Muriç, Dellova, Hajrizi, Hajdari, Gallapeni, Vojvoda, Hoxha, Rexhbeçaj, Asllani, Muslija dhe Muriqi.