A duhet të shqetësohen tifozët e kombëtares për Granit Xhakën? Ja çfarë shkruan media zvicerane

Pas një viti pa humbje, Kombëtarja e Zvicrës e nisi përgatitjen për Kampionatin Botëror me humbje në miqësore me rezultat 4:3 nga Gjermania

Kapiteni Granit Xhaka shpjegon se çfarë nuk mund të lejojnë zviceranët kundër një kundërshtari si Gjermania.

Që Granit Xhaka të luajë vetëm 45 minuta në një ndeshje ndërkombëtare nuk është diçka e pazakontë në të kaluarën. Për shembull, verën e kaluar në fitoren miqësore 4:2 kundër Meksikës.

Megjithatë, ishte pak befasi që kapiteni i kombëtares u zëvendësua në fillim të pjesës së dytë.

“A duhet të shqetësohen tifozët e kombëtares për Xhakën? Në fund të fundit, lojtari i Sunderland sapo ishte kthyer nga një dëmtim i tendinit të Akilit, i cili e kishte lënë jashtë për rreth një muaj në fillim të vitit.

Pas ndeshjes, megjithatë, Xhaka qetësoi menjëherë të gjithë”, shkruan mediumi zviceran “Blick”.

“Kjo ishte e rënë dakord para ndeshjes”, - tha ai.

“Të tjerët duhet ta gjykojnë këtë”.

Pa lojtarin e tyre më të rëndësishëm në fushë, loja e ekipit zviceran në pjesën e dytë dukej dukshëm më pak e organizuar.

Vetë Xhaka, megjithatë, nuk bie lehtë dakord me këtë.

“Të tjerët duhet ta gjykojnë këtë,” tha ai.

“Ishte një miqësore kundër një kundërshtari shumë të mirë.

Mund të marrim shumë nga kjo ndeshje. Gjëra që i bëmë mirë. Por edhe shumë gjëra që gjermanët i bënë mirë”, - përmbledh Xhaka.

Por cilat gjëra konkrete mund të mësojë kombëtarja nga katër herë kampionët e botës?

“Për shembull, qetësinë nën presion”, - thotë Xhaka.

Në fakt, zviceranët edhe në pjesën e parë kur Xhaka ishte ende në fushë,  bënë një numër çuditërisht të madh pasimesh të gabuara, veçanërisht nën presion.

“Kjo nuk është ndëshkuar muajt e fundit. Kundër një kundërshtari të këtij niveli është ndryshe. Atëherë humbet një ndeshje si kjo”, - shpjegoi ai.

Selektori i tij, Murat Yakin, pajtohet.

“Nuk kemi pasur një kundërshtar si Gjermania për gati dy vjet”, - tha Murat Yaki. 

Gjermanët ua vështirësuan punën zviceranëve duke mbyllur vazhdimisht mesfushën qendrore.

“Për shembull, nuk ishim të përqendruar te goditjet standarde të kundërshtarit”, - tha Yakin, me gjasë duke iu referuar golit spektakolar të Wirtz për 2:3, i cili erdhi pasi Bryan Manzambi nuk e vendosi presionin e duhur ndaj realizuesit.