Enzo Maresca befason të gjithë!

Trajneri italian Enzo Maresca, i cili u nda papritur nga Chelsea në fillim të këtij viti pas një periudhe 18‑muajshe në krye të skuadrës londineze, foli për herë të parë që nga largimi dhe dha një mesazh të qartë për të ardhmen e tij në stolin e futbollit.

Në intervistën e tij të parë pas largimit, Maresca tha:

“Ëndrra ime gjithmonë ka qenë të stërvis Manchester City, në të vërtetë mezi prisja të largohesha nga Chelsea… Pep më ka dhënë tashmë bekimin e tij.”

Ky citat tregon qartë synimin e tij për të drejtuar një nga klubet më të suksesshme në futbollin modern, Manchester City, ku ai ka punuar më parë si asistent i trajnerit Pep Guardiola.

Maresca u nda nga Chelsea pas fitimit të disa trofeve, përfshirë UEFA Europa Conference League dhe FIFA Club World Cup, dhe pas një periudhe sfidash me drejtuesit e klubit, duke e bërë largimin e tij një nga momentet më të komentuar të sezonit në Premier League..