Bejzad Limani: Me mbështetjen e ‘Ilirëve’ drejt fitores

Pas përfundimit të ndeshjeve eliminatore të Kupës së Botës 2026, rikthehet në skenë liga e parë.

Java e 25-të nis sot me përballjen në Kumanovë, mes Bashkimit 1947 dhe Tikveshit.

Shtylla e mesfushës, Bejzad Limani, është optimist për sfidën e sotme.

“Ky është një moment kyç për ne. Pushimi erdhi në kohën e duhur për të na mbushur bateritë. Jam krenar që vesh këtë fanellë dhe që luftoj për qytetin tim.

Me mbështetjen e ‘ilirëve’ tanë besnikë nga tribunat, besoj se do ta thyejmë rezistencën e Tikveshit dhe do të fitojmë tre pikët për një gjumë të qetë në mes të tabelës”, theksoi Limani.

Tradita është në anën e ekipit të Kumanovës. Në ndeshjet e mëparshme midis këtyre dy ekipeve (në kampionat, Kupë të Maqedonisë apo ndeshje miqësore), Bashkimi historikisht ka qenë më i suksesshëm me 5 fitore krahasuar me 2 për Tikveshin.

Ndeshja midis Bashkimit dhe Tikveshit do të luhet në Stadiumin e Bashkimit në Kumanovë, duke filluar nga ora 12:30.