Bierhoff: Futbolli në Itali ka mbetur te vitet e 90-ta

Oliver Bierhoff, ish-sulmuesi i Milanit dhe për shumë vite drejtues i kombëtares gjermane, foli për krizën e Italisë, duke dhënë disa sugjerime:

“Ajo që më shqetëson është se Italia ishte gjithmonë e famshme për trajnerë dhe lojtarë të mirë, por duket se ka humbur ritmin e lartë që kërkon futbolli.

Është ndalur te vitet ’90. Loja ka ndryshuar, përgatitja gjithashtu, intensiteti është më i madh”.

I pyetur për modelin gjerman, Bierhoff shpjegoi se për të kapërcyer krizën e fillimviteve 2000 u krijuan akademi të të rinjve, duke përmirësuar edhe formimin e trajnerëve dhe rinovuar programet e filozofinë.

Synimi ishte më pak forcë fizike dhe shumë më tepër teknikë.

Ai theksoi se ishte një proces dhjetëvjeçar, me rezultate që u panë rreth vitit 2010 dhe kulmuan me titullin botëror të 2014-ës.

Sipas tij, nuk ka zgjidhje magjike; sekreti është koha dhe rritja e lojtarëve vendas.