Ederson drejt Atletico Madrid, arrihet marrëveshja personale

Mesfushori Brazilian, Ederson është shumë pranë një transferimi të madh në La Liga, pasi ka arritur marrëveshje personale me Atletico Madrid, raportojnë burime të afërta me gazetarin e njohur, Fabrizio Romano.

Sipas Romanos, lojtari i Atalanta ka dhënë dritën jeshile për kalimin te gjiganti spanjoll dhe pritet që klubet të vazhdojnë negociatat për detajet e fundit të transferimit në javët në vijim.

Nëse marrëveshja finalizohet, Ederson do të bëhet përforcimi i dytë i madh që Atletico Madrid merr nga Atalanta brenda një viti, pas transferimit të sulmuesit Ademola Lookman.

Tani mbetet që klubet të gjejnë gjuhën e përbashkët për tarifën e transferimit, ndërsa gjithçka tjetër duket në rrugën e duhur që Ederson të veshë fanellën e Atletico Madrid sezonin e ardhshëm.