Xherdan Shaqiri habit, ja ku gjendej kur luante Kosova ndaj Turqisë

Legjenda e futbollit zviceran me prejardhje shqiptare, Xherdan Shaqiri, ishte gjithashtu në stadiumin “Fadil Vokrri” për t’i dhënë mbështetjen e tij kombëtares së Kosovës në përballjen ndaj Turqisë.

Pavarësisht përpjekjeve, “Dardanët” nuk arritën të realizonin ëndrrën e tyre për t’u kualifikuar në Kampionatin Botëror 2026, duke pësuar një humbje të ngushtë 1:0 nga turqit.

Shaqiri, megjithëse ishte mes tifozëve, nuk publikoi asnjë postim në rrjetet sociale, duke preferuar që vëmendja të mbetet e fokusuar te kombëtarja e Kosovës.

Lojtari i Baselit u bë i njohur në stadium falë një fotografie të publikuar nga Bernard Berisha, që konfirmoi praninë e tij në Prishtinë.

Nga viti 2025, Kosova ka shënuar një progres të dukshëm në futboll, dhe tani objektivi i saj kryesor do të jetë të përfundojë ndër dy vendet e para në Ligën e Kombeve, me shpresën për të zënë një vend në nivelin e dytë të kualifikimeve për Kampionatin Evropian 2028.

Ndërkohë, Shaqiri ka përfunduar karrierën e tij me kombëtaren e Zvicrës, por vazhdon të japë maksimumin për skuadrën e Baselit.