Shqiponja mobilizohet ndaj ferizajasve

Të premten janë tri prej katër ndeshjeve të xhiros së 16-të të Superligës së Kosovës në hendboll në konkurrencë të femrave.

Vëmendja do të jetë në palestrën “Shani Nushi” në Gjakovë ku luhet ndeshja mes Shqiponjës dhe Ferizajt.

Derbi i xhiros fillon në ora 19:00.

Shqiponja është e dyta me 22 pikë, por i duhet ende ta konfirmojë këtë pozitë.

Tri xhiro para fundit, Ferizaj është i treti me 20 pikë, ndërsa e ka një ndeshje më pak të luajtur se Shqiponja.

Kështu që ndeshja ka rëndësi të madhe dhe pritet të jetë e fortë.

Kastrioti – Istogu (18:00) dhe Samadrexha – Tereza (19:00) janë dy ndeshjet tjera të së premtes.

Xhiroja mbyllet me ndeshjen mes Ulpianës e Prishtinës, që zhvillohet të shtunën nga ora 15:00.

Lidere e klasifikimit është Samadrexha me 26 pikë.

Në Ligën e Parë të hendbollisteve po ashtu zhvillohet xhiroja e 16-të.

Të shtunën janë ndeshjet Jusuf Gërvalla – Trepça (15:00), KEK-u – Vëllaznimi (19:00) dhe Vjosa – CLICK (19:00).

Të dielën prej orës 18:00 është takimi Dukagjini – Vushtrria.