Barcelona hap bisedimet me Interin për Bastonin

FC Barcelona dhe Inter Milan tashmë kanë nisur bisedimet për Alessandro Bastoni, i cili raportohet se është i interesuar për një transferim në Kataloni këtë verë. Bastoni është identifikuar si zgjedhja e parë e Barcelonës për të forcuar mbrojtjen gjatë merkatos, si prioritet i dytë pas transferimit të një sulmuesi qendror (numri nëntë).

Bastoni tashmë ka dhënë dritën jeshile për një kalim te Barcelona dhe bisedimet janë në zhvillim për një marrëveshje me reprezentuesin italian. Inter kishte planifikuar të rinovonte kontratën e tij këtë sezon, e cila skadon në vitin 2028, por ndryshoi qëndrim më herët gjatë këtij viti pas një rënieje në formë.

Sipas Sport Mediaset (përmes Sport), bisedimet mes Barcelonës dhe Interit shkojnë përtej vetëm lejes për të negociuar me Bastonin nga ana e “Nerazzurrëve”. Barcelona është e gatshme të paguajë rreth 45 milionë euro për Bastonin, duke marrë parasysh se paga e tij pritet të jetë mbi 5 milionë euro në vit.

Ka pasur raportime të ndryshme lidhur me shumën që Inter do ta konsideronte të pranueshme për mbrojtësin 26-vjeçar. Fillimisht u përfol për një çmim prej 80 milionë euro, por me rënien e vlerës së Bastonit, konsensusi aktual përmend shifra rreth 60 milionë euro, ndoshta me disa bonuse shtesë për ta bërë marrëveshjen më tërheqëse.

Lëvizja për Bastonin ka ardhur disi më herët sesa pritej, duke pasur parasysh se prioriteti kryesor i Barcelonës në merkato, siç është raportuar gjerësisht, është një sulmues qendror. Ky pritej të ishte edhe transferimi më i kushtueshëm i klubit, dhe si i tillë, afrimi i një mbrojtësi qendror varej nga kjo.

Nëse Barcelona arrin marrëveshje, atëherë pritet që Andreas Christensen të largohet gjatë kësaj vere. Mbrojtësi danez është në fund të kontratës dhe ende nuk ka pranuar ofertën e re të klubit, e cila përfshin një ulje të konsiderueshme të pagës.